شنو الخطوات اللي ديرهم في حالة سرقة او ضياع تزدانك وفيه
” تامين الصحي ، رخصة القيادة ، PR ، بطاقات المصرفية …الخ “
في حالة الضياع اول خطوة ديرها تسمي باسم الله وحاول تتفكر وين ودرتها وفتش جيوبك زين وكانك متزوج خلي زوجتك دورلك لانهالنساوين يعرفوا كل التراكين
كان فعلا اتكادت انه راحت اول مكان بتتصل بيه هو البنوك باش يوقفوا البطاقات المصرفية ويديرولك استخراج لبطاقة جديدة باش تضمنانه مافيش حد استخدمها
بعدها بتخش علي موقع الشرطة في منطقتك اون لاين مش تمشي للمركز لانه هذه ما تعتبرش مسألة حياة او موت باش تتصل ب911 الا فيحالة تعرضك لسرقة بشكل شخصي
في نموذج بلاغ اون لاين not emergency report
تعبيه وتقول شنو صار وتخلي رقم هاتفك
بعدها يجيك اتصال من الشرطي اللي راح يفتح تحقيق في الحادثه وفي نهاية التقرير يعطيك Report number
رقم التقرير هذا تتبت بيه حقك في حالة اي شخص حاول ان ينتحل شخصيتك وفي نفس الوقت اتبات مع الامقريشن
بالنسبة لاستبدال PR واكبر خطا انك تحطه في تزدانك معاك لانه مش راح تستحقها الا في حالة السفر خارج كندا
في نموذج بتعبيه اون لاين هو نفس نموذج التجديد PR ولكن الفرق انك انت بتعبي ورقة تابعه لنموذج اسمها Solemn Declaration عبرهذا لنك
https://www.canada.ca/en/immigration-refugees-citizenship/services/new-immigrants/pr-card/how-to-apply.html
وتبعت معاه زوز صور مختومات قياس PR وصورة من جواز سفرك الليبي او ترخيص عمل او ترافل دوكمنت
“ رخصة قيادة او تامين صحي لا” وتدفع 50$ اون لاين عبر هذا لنك
https://www.cic.gc.ca/english/information/fees/pay.asp
تطبع ايصال الدفع وتبعت الورق بالبريد علي العنوان هذا
Case Processing Centre — PR Card
P.O. Box 10020
SYDNEY, NS B1P 7C1
CANADA
الاجراء كان ياخد 90 يوم غلبا
في حالة انك مستعجل تبي تسافر او PR ضاعت من وانت خارج كندا
امر بسيط جدا !! سافر وين ما تبي واول ماتبي تروح لكندا في حاجة اسمها Permanent resident travel document تستخدم فيحالة ضياع اقامتك وتبي ترجع لكندا وتعبي نماذج وتختار الدولة اللي انت قاعد فيها باش القنصلية الكندية تصدرلك وتيقة سفر تستخدملرجوع مرة واحدة فقط عاد الله جوازك الليبي ضاع وتبي تاخد وتيقة سفر من السفارة عبر هذا رابط
https://www.canada.ca/en/immigration-refugees-citizenship/services/new-immigrants/pr-travel-document.htm
بالنسبة لتامين الصحي OHIP و رخصة قيادة بتمشي لي service Ontario تعبي نموذج تدفع 35$ لرخصة وبالبلاش لبطاقة تأمين
دمتم طيبيين ياليبيين
