الموت حق علي كل انسان وطالما نحن في غربة يجب ذكر هذا الموضوع الدي اعتبره مهم جدا
لانه كاشخص مغترب في بلاد اجنبية ما تعرفش امتي تجي ساعتك
ولازم تعرف انه تطبيق توزيع الميراث بالطريقة الشرعية الإسلامية وحضانة الاطفال في كندا يتعارض مع القانون المدني وقد يتم اخد املاكك
كان انت شخص اعزب وما عندك حد او ياخد اطفالك
من قبل الحكومة لذلك يجب عليك كتابة وصية
لكي تنفذ وتحترم رغبتك من قبل القضاء
الوصية بحسب الشرع فيها شروط وطبعا انا مش في موضع
اني نتكلم عليها بالتفصيل ولكن اهم نقطة في
الشرع تكون مكتوبة باليد سواء قلم او كيبورد
الوصية عادة فيها زوز او تلاته منفذين للوصية
وفي حالة عدم قدرة الاول على التنفيذ او وفاته فالتاني ياخد مكانه و ينفذ وهكذا
يسمو فيهم Executers
عادة بتكون الام او الاب في مقام الاول بالاضافة لاتنين اخرين سواء احد الابناء
اذا كان عمره فوق من 18 سنة او احد اصدقاء الموتوق بهم
في الوصية يجب ان تحدد على الاقل اتنين أوصياء على الاطفال. في حالة عدم وجود الاول زي الاب او الام
فالتاني يتولى مسئولية او ايحد من الأقارب في ليبيا زي الجد او الجدة مثلا.
تعتبر الوصية نافذة بمجرد توقيع شاهدين عليها. وماتنساش تعطي نسخة من الوصية لمنفذي الوصية وباقي
الأوصياء وتقول للمنفذين علىمكان الوصية اذا كنت حاطها في البيت او في الخزنة في البنك
وفي حالة الوفاة وطبقا للقانون فالبنك يسمح لمنفذ الوصية بفتح الخزنةلاستلام اصل الوصية.
دير في بالك لو احد الزوجين توفاه الله وكانت مافيش وصية !! الطرف التاني طبقا للقانون
المدني الكندي بتتنقل له الحضانة والثروة بالكاملاوتوماتيك. بس طبعا توزيع الثروة هكي مش شرعي
فلو تبي الموضوع يكون شرعي لازم تكتب وصية.
طبعا القانون الميراث يختلف من مقاطعة الي مقاطعة ولكن دير في بالك انه في حالة وفاة الوالدين الزوز
راح تتوزع الاملاك بالتساوي عليابناء ” بنات واولاد” وهذا امر يتعارض مع الشرع
والحاجة المهمة في الموضوع هو حضانة الاطفال
لأن القانون هنا في اونتاريو في حالة عدم وجود وصية وتوفي الوالدين والطفل ماعنداش اقارب في كندا،
ياخدوه ويحطوه في ملجأ مؤقت اويتم تبنيه من احد العائلات الاجنبية ومش راح تقدر دير شي لغاية مايوصلوا عمرهم 18 سنة
زي ما صار في حادثة الشهيرة في البرتا لزوجين المصريين عندهم تلاته بنات والاب والام
طلعوا مكان ودارو حادث في الطريق وتوفو الزوزوللاسف الاطفال خديتهم الحكومة وجالية مصرية ماقدرتش ديرلهم حل
لذلك لازم الاتنين كزوج وزوجة يديرو وصية تحدد فيها منو الشخص الثقة اللي حيكون
مسئول عن الطفل في كندا لغاية ما حد من الاسرة يجي من ليبيا ويستلم حضانة الاطفال
طبعا في حاجات تانية مهمة في الوصية زي انك تندفن وين؟ في ليبيا او كندا؟ وتندفن على اي ديانة؟ وكيف تنغسل واسم المقبرة؟
في نقطة نبي نوضحها ومهمة جدا
الشخص الليبي اللي توفي في فانكوفر رحمة الله عليه وحرقت جتته وللاسف كان لوحده ومايعرفه حد
في العادة والقانون الكندي لما شخص مهاجر وماعنداش حد في كندا يرجعوا الي بلده الام
ويتصلوا بالسفارة ويعطوهم العمل قبل إتخاذ اي اجراء وفي حالة عدم الرد لمدة معينه يتم حرق الجته ووضع الرماد في شيشة
وانا مستغرب من تصريحات السفارة الليبية في اتاوا انهم قالوا ماكنش عندهم علم بالموضوع
يعني الكلام هذا يتفوت علي حد في ليبيا مش اللي عايشين في كندا
المهم نرجعوا للموضوع
الوصية في اونتاريو مش محتاجة محامي وتعبتر نافذة بقوة القانون بمجرد توقيع شاهدين عليها.
الشاهدين لازم يكونوا مقيمين او مواطنين في حالة اخد شهادتهم في المحكمة من قبل القاضي
يعني موضوعها بسيط جدا كان انت عندك حياة عادية ومستقره وواضحة تطبع رسالة تكتب فيها شنو تبي
وصيتك ودير منها نسختينتعطيها يوقعوا عليها الشاهدين اللي ذكرتهم
في حالة انك حياتك ملخبطه و عندك ميرات معقد يعني عندك شركات ومطلق ومتزوج
وصاحبة وعندك اطفال من مراة هذي وهذيكا وقالبها فوق راسك والجو هذا لازم من محامي ينسقلك الوصية
حتي ولو كنت شاب اعزب بامكانك دير وصيه ولو في اي تغيير زي زواج او طلاق او اطفال بامكانك ترفق وتيقة مع وصيتك بنفس الخطواتسواء كان شاهدين او محامي ومافيهاش اي مشكلة
في حالة المرض لاحدي الزوجين لازم دير حاجة اسمها
Power of attorney
يعني انك تعطي الشخص توكيل بحرية التصرف في اشياء انت تحددها سواء كانت املاك او حضانة اطفال
وربي يكبرنا علي طاعته